BERAT-Erion Dasho, një prej emrave më të përfolur në primaret e Partisë Demokratike për Qarkun e Beratit, nuk do të jetë pjesë e listës përfundimtare të kandidatëve për deputetë në zgjedhjet e 11 majit.
Teksa Dasho ka dhënë një intervistë për Boldneës.al, ka deklaruar edhe arsyet e mungesës së emrit të tij në listat e dorëzuara në KQZ.
Ai bëri të ditur se kishte zhvilluar biseda intensive me drejtuesit e PD-së për mundësinë e kandidimit, por kishte vendosur të tërhiqej nga lista e hapur, duke theksuar se kontributi i tij si një figurë e ardhur nga diaspora nuk do të ishte i duhuri në këtë format.
“Në këtë listë meritojnë të kandidojnë figura të Partisë Demokratike që janë në lidhje të përditshme me anëtarët, simpatizantët dhe votuesit e mundshëm të opozitës. Në interes të maksimizimit të votës së PD-së, tërhoqa emrin tim nga pjesëmarrja në listën e hapur, duke u uruar sukses kolegëve të tjerë.”-tha Dasho.
Pavarësisht kësaj ai e cilëson situatën si një zhgënjim, ku thekson se do të vazhdojë të mbetet opozitar i vendosur kundër rilindjes dhe do të vijojë angazhimin e tij politik./Radar.al