Pas ultimatumit të kryeministrit Edi Rama për “vetëpastrimin” e Bashkive, Bashkia e Cërrikut ka përfunduar procesin e emërimeve të reja në pozicionet drejtuese.
Në Njësinë Administrative Klos, Elis Duzha merr detyrën në vend të Arjan Gribas, ndërsa në Njësinë Gostimë, detyrën e administratorit e merr Eneo Taçja, duke zëvendësuar Gëzim Kadiun.
Xhevdet Sade do të vijojë të drejtojë Njësinë Administrative Mollas, ndërsa Brunilda Kurti mbetet në krye të Njësisë Administrative Shalës.
Në nivel bashkie, Olti Bozi është emëruar Drejtor i Shërbimeve Publike, ndërsa Florian Qosja do të drejtojë Drejtorinë e Mbrojtjes nga Zjarri dhe Shpëtimit.
Kryetari i Bashkisë, Andis Salla, u shpreh se emërimet po kryhen në mënyrë transparente dhe sipas procedurave ligjore, duke garantuar funksionimin normal të strukturave bashkiake.