Këngëtarja Elvana Gjata duket se është zhgënjyer nga pozicionimi i saj në Festivalin e Këngës në RTSH ku garoi me këngën “Karnaval”.
Së fundmi ajo ka hequr nga rrjeti social Instagram, çdo postim që kishte bërë për pjesëmarrjen e saj në edicionin e 63-të Festivalit të Këngës.
Elvana Gjata dështon sërish, “Shkodra Elektronike” fiton Fest 63 dhe shkon në Eurovision
Edhe gjatë fjalës së saj të mbajtur në festival, ajo u shpreh se jeta e ka mësuar që edhe nëse bie 10 herë, 11 do të ngrihet.
“Mos harroni se jeta është si karnaval dhe asnjë lot nuk është final. Ju dua shumë. Mos u mërzisni të gjithë fansat e mi që kanë ardhur të më mbështesin. Jeta më ka mësuar që 10 herë të bie, 11 herë do të ngrihem”, tha ajo.
“Shkodra Elektronike” fitoi edicionin e 63-të të Festivalit të Këngës me këngën “Zjerm”, e cila do të përfaqësojë Shqipërinë në Eurovision 2025.
Performanca e “Shkodrës Elektronike” mori në total 143 pikë në votimin e ndarë 50% nga juria dhe 50% nga publiku. Elvana Gjata arriti të marrë vendin e dytë me këngën “Karnaval”, duke grumbulluar 135 pikë, ndërsa Alis siguroi vendin e tretë me këngën “Mjegull”, me 59 pikë.
