Këngëtarja Elvana Gjata shfaqet shumë rrallë në intervista dhe nuk shprehet shumë për jetën e saj personale.
Së fundmi ajo ishte e pranishme në radio dhe një prej pyetjeve që iu bë ishte përse është bërë e ‘pakapshme’, siç e përshkruajnë disa ndjekës.
“Nuk është se unë jam e paprekshme apo e pakapshme. Të paktën jo me qëllim, por kush më njeh e di. Edhe ti e di që unë jam shumë ‘ëorkaholic’ (e dhënë pas punës). Kështu që e dua shumë këtë që bëj. E dua me gjithë zemër, edhe kur bëhet e lodhshme prapë e dua. Edhe më pëlqen shumë që të përfshihem në çdo proces të çdo projekti tim, çfarëdo lloji qoftë. Ndoshta kërkoj e kërkoj atë maksimumin dhe derisa të sigurohem që ka dalë më e mira, atëherë jam e qetë që të dalë edhe pse nuk mjafton asnjëherë”, tha Elvana.