Në mbledhjen e kryesisë së PS nuk u miratua kanditatura e Vangjel Tavos për bashkinë Himarë .
Në diskutimin për kongresin e 27 Korrikut , kryeministri Edi Rama pati kritikat e tij për disa drejtues qarqesh .
Gazetari I Top Channel Muhamed Veliu referuar burimeve nga kjo mbledhje , raporton se Edi Rama kryetari i PS ka kthyer mbrapsht listat e paraqitura nga qarqet.
U rikërkua që asnjë drejtor agjencie apo drejtorie, në nivelin qendror ose vendor të mos përfshihet në Asamblenë e re Kombëtare.
Rama citohet të ketë kërkuar se “kush mbulon rolin e drejtorit dhe dëshiron me patjetër të kandidojë për të hyrë në Asamble, duhet më parë të dorëhiqet nga posti që ka”.
Ai ka thënë po ashtu se”Kongresi Zgjedhor duhet të hedhë një tjetër hap në ndërtimin e PS 2030 për Shqipërinë 2030 dhe ripërtëritja e nisur në bazën e PS, dhe e materializuar edhe në përbërjen e kongresit zgjedhor, duhet të vazhdojë me Asamblenë Kombëtare”.