Kryeministri Edi Rama po zhvillon një mbledhje të zgjatur me kabinetin qeveritar në ambientet e Kryeministrisë, e cila, sipas burimeve, pritet të zgjasë deri në orën 23:00.
Në qendër të diskutimeve është projektbuxheti i vitit 2026 dhe ndarja e fondeve për prioritetet kryesore të qeverisë.
Në takim marrin pjesë të gjithë ministrat, përfshirë edhe zëvendëskryeministren Belinda Balluku, ndërsa diskutimet po zhvillohen në një atmosferë intensive përpara se projekti t’i dërgohet Kuvendit.
Burime brenda mbledhjes bëjnë me dije për Radar.al se Rama ka kërkuar rishikim të shpenzimeve publike dhe fokus tek sektorët që garantojnë rritje ekonomike dhe punësim të qëndrueshëm.