Egnatia ka siguruar titullin kampion për sezonin 2024/2025 në “Abissnet Superiore”, duke mbrojtur me sukses kurorën e fituar një vit më parë. Në finalen e “Final Four”, skuadra nga Rrogozhina dominoi plotësisht Vllazninë, duke e mposhtur me rezultatin e thellë 0-4.
Ndeshja nisi fuqishëm për kampionët në fuqi, me Lushkjan që zhbllokoi rezultatin në minutën e gjashtë pas një aksioni të bukur nga Bakayoko. Në pjesën e dytë, ekipi i trajnerit Tetova shpërtheu, me Lushkjan që realizoi dopietë me një gol me kokë. Më pas, Melos i dha goditjen fatale Vllaznisë, ndërsa goli i katërt nga Ujka vulosi fitoren madhështore.
Egnatia feston kështu një tjetër titull historik, ndërsa për Vllazninë, ëndrra e rikthimit të lavdisë në Shkodër duhet të shtyhet sërish.
riore
kampione