Ndonëse së fundmi dyshja pati një darkë sqaruese mes tyre, Egli dhe Gjesti nuk e kanë lënë me kaq përballjen e tyre.
Banorët patën një tjetër përplasje pak minuta pas prime-t të djeshëm.
Gjatë një debati mes tyre, Egli i kërkoi llogari banorit për veprimet e tij duke e akuzuar se e ka turpëruar para gjithë Shqipërisë.
Këtë deklaratë Egli e lidh me situatën që ajo pa gjatë kohës që ishte jashtë shtëpisë për nëntë ditë.
“Pse ke bërë budallallëqet e tjera? Si kam merituar të më marrësh fytyrën para një Shqipërie të tërë? Pikërisht mua që nuk të jam prerë kurrë në besë,” tha ajo me tone të larta.
Ndërsa Gjesti u mundua ta qetësonte, duke e thirrur me përkëdheli.
Më tej banori mundohet t’i shpjegojë se gjithçka do të sqarohet kur të dalin jashtë.