Një lajm i trishtë ka tronditur kryeqytetin këtë të enjte.
Avokatja e njohur, Domenika Gjeçi, e cila vitet më të shumta të jetës së saj ia dedikoi drejtësisë, ka ndërruar jetë në moshë të re.
Gjeçi ishte një emër i njohur në fushën e avokatisë, e cila merrej me çështjet penale, duke dhënë një kontribut të çmuar në drejtësinë e vendit tonë.
Lajmin e trishtë për ndarjen nga jeta të Gjeçit e kanë dhënë kolegët, “Avokatët penalistë”, përmes një postimi në median sociale “Facebook”.
Ndarja nga jeta në mënyrë të parakohshme e saj është një humbje e madhe jo vetëm për familjarët, por për të gjithë kolegët e saj avokatë, gjyqtarë dhe prokurorë me të cilët bashkëpunoi përgjatë gjithë këtyre viteve.
Por dhimbja dhe humbja më e madhe është e familjes së saj pasi mësohet se Domenika Gjeçi vdiq jo më larg se tre muaj pasi ajo kishte humbur vëllain.