Një ngjarje e rëndë ka ndodhur ditën e djeshme në qytetin e Shkodrës ku një 19-vjeçare raportohet se ka goditur me thikë vëllain e saj të mitur.
Burimet bëjnë me dije se fatmirësisht vogëlushi ndodhet jashtë rrezikut për jetën.
Ndërsa motra e tij thuhet se u dërgua në spitalin psikiatrik të Shkodrës pasi ajo vuante nga shëndeti mendor.
“Specialistët për Hetimin e Krimeve ndaj Personit referuan materialet në Prokurori, ku filloi procedimi në gjendje të lirë për shtetasen B. M., 19 vjeçe, banuese në Shkodër, për veprat penale “Plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, pasi ditën e djeshme në banesën e saj, ka dëmtuar me mjet prerës (thikë), vëllain e saj të mitur, 7 vjeçar, i cili ndodhet jashtë rrezikut për jetën. Shtetasja B. M., është dërguar në Spitalin Psikiatrik Shkodër për të marrë asistencën e nevojshme, pasi vuan nga shëndeti mendor” njofton policia.