Teksa nata e 24 dhjetorit për besimtarët e krishterë njihet si Nata e Krishtlindjes, e familjarët mblidhen së bashku për të festuar pranë tryezës së tyre të ngrohtë, Elia Zaharia nëpërmjet një postimi në rrjet ka uruar këtë festë të shenjtë.
E shfaqur me vajzën e saj në krahë, Radar.al raporton se Zaharia uron që njerëzit të ndezin brenda shpirtit të tyre dritën e Zotit.
Ndërsa mes rrjeshtat ajo shkruan: një nënë mori në krahë birin e saj të porsalindur, e ajo foshnje ndryshoi jetët tona përgjithmonë!
Një fjali e cila përshkruan goxha mirë dhe fotot e saja të postuara në Instagram.
Postimi i plotë i Zaharias:
“Miq të dashur,
Gëzuar krishtlindjen! Paqja dhe mirësia e Zotit qoftë udhërrëfyesi i zemrave tona! Në këto ditë festash, ku simboli i Krishtlindjes është ardhja e shpresës, triumfi i dashurisë, fuqia e lutjes dhe e besimit, unë ju uroj që të gjithë ne të dezim brenda shpirtit dritën e Zotit, atë dritë që na lidh e na bën njerëz më të ndjeshëm! Atë dritë që na lejon të shohim përtej vetes , larg egos e më pranë së vërtetës! Nën yllin polar, një nënë mori në krahë birin e saj të porsalindur, e ajo foshnje ndryshoi jetë2t tona përgjithmonë!”
Radar.al
