Një aksident me jet ski ndodhi rreth orës 17:00 të pasdites së martë në Ksamil, ku dy vëllezër francezë, 25 dhe 22 vjeç, u përplasën ndërsa lundronin jashtë zonës së sigurisë.
Sipas policisë, më i madhi dyshohet se humbi kontrollin e mjetit dhe goditi jet skinë e vëllait, i cili u rrëzua në ujë dhe u dëmtua. Ai mori ndihmën e parë nga Njësia Detare dhe më pas u transportua në spital, ku ndodhet jashtë rrezikut për jetën.
Policia kufitare ka bllokuar mjetet lundruese dhe po kryen verifikimet për shkeljet e konstatuara. Do të merren masa administrative ndaj pronarëve të jet ski-ve, ndërsa grupi hetimor po vijon punën për zbardhjen e plotë të ngjarjes.