Një ngjarje e rëndë është regjistruar në Korçë, ku policia ka proceduar penalisht një 60-vjeçare, M. J., pasi ka ushtruar dhunë ndaj nuses së djalit të saj.
E reja ka denoncuar rastin, ndërsa menjëherë është pajisur me urdhër mbrojtjeje për të garantuar sigurinë.
Ngjarja është bërë pjesë e një sërë veprash penale të evidentuara nga policia në qarkun e Korçës, ku përveç dhunës në familje, janë regjistruar edhe raste të drejtimit të automjeteve në gjendje të dehur, kanosje, vetëgjyqësi dhe vjedhje.
Materialet për të gjitha rastet i janë referuar Prokurorisë së Korçës për veprime të mëtejshme hetimore.