Një ngjarje e rëndë ka ndodhur mëngjesin e së premtes në Volos të Greqisë, në një familje shqiptarësh. Kryefamiljari ka vrarë gruan e tij dhe më pas është larguar, ndërsa policia vijon kërkimin e tij. Ai është parë duke u larguar me vrap drejt rrugës Gladstone, ku forcat e rendit kanë rrethuar zonën.
Sipas mediave vendase, vajza e viktimës telefonoi shërbimet e urgjencës e tronditur kur gjeti nënën e saj të mbuluar me gjak në hyrje të pallatit. Autori ka vuajtur më parë nga probleme të shëndetit mendor dhe ka qenë në trajtim, por ende nuk janë të qarta shkaqet që çuan në sherrin fatal brenda familjes.
Banorët e zonës deklarojnë se familja nuk kishte pasur ndonjëherë probleme të mëparshme dhe se nuk ishte në konflikt me fqinjët.
Radar.al