Një ngjarje e papritur ka ndodhur në Angli ku mamaja e pesë fëmijëve ka vdekur menjëherë pas një ndërhyrjeje estetike “jo-kirurgjike” në të pasme, e njohur si ‘liquid Brazilian’.
Autoritetet vendase bëjnë me dije se Alice Ëebb është personi i parë në Britani që humbi jetën nga një procedurë e tillë, teksa shkaqet e vdekjes nuk janë publikuar ende.
Dy mjekë janë arrestuar me akuza vrasjeje nga pakujdesia.
34-vjeçarja mësohet se ndërroi jetë mesnatën e së hënës në spitalin e Gloucestershire pas ankesave se nuk ndjehej mire.
Partneri saj Dane Knight ndau falenderimet e tij në Facebook për ‘për mesazhet e ndjera që kishin bërë të buzëqeshin atë dhe fëmijët’.
Ai shkruante më tej: ‘Fëmijët janë shumë të dobët tani! Alice është ndarë nga ne mesnatën e djeshme. Dy njerëz janë arrestuar për vrasje nga pakujdesia”.
Alice punonte si estetiste Crystal Clear në krahinën Gloucestershire.
Një fushatë fondesh bamirësie është hapur nga një mike e të ndjerës, e cila e përshkruante si ‘e bukur nga jashtë e nga brenda, me zemrën më të madhe’.
Policia e Gloucestershire tha: ‘Dy njerëz janë arrestuar për vrasjen e dyshuar nga pakujdesia të një gruaje në të 30-at në Gloucester’, sipas rrjetit vendas Metro.