Një ngjarje e rëndë ka ndodhur së fundmi në Itali ku një shtetas shqiptar mësohet të jetë përplasur për vdekje nga policia.
Ngjarja e rëndë mësohet të ketë ndodhur pas një ndjekjeje me shpejtësi nga policia.
I riu, identiteti i të cilit deri më tani nuk është zbuluar, u përplas me një shtyllë ndriçimi e pas kësja automjeti I tij u kthye përmbys.
Ngjarja mësohet se ka ndodhur në një nga lagjet e Nettuno-s.
Mediat italiane shkruajnë se shqiptari iu arratis policisë pasi në makinë kishte një sasi të madhe kokaine.
Ndjekja ndaj tij filloi rreth orës 20:30, kur efektivët nuk ndaluan dot dy makina në një postbllok.
Policia arriti të ndalojë të parën, në drejtimin e të cilit, ndodhej një 28-vjeçar italian.
Ndërsa shqiptari mori një drejtim tjetër.Ai devijoi me makiën në një rrugë rurale, të paasfaltuar. Për shkak të shpejtësisë së lartë dhe rrugës me gropa, makina e tij u përplas me një shtyllë ndriçimi e pas pak u kthye përmbys.
Për rrjedhojë 38-vjeçari mbeti i plagosur rëndë dhe ndërroi jetë në vendngjarje.
Trupi i pajetë i tij u dërgua në morg, ku pritet t’i nënshtrohet autopsisë.
Policia gjeti në mjetin e tij, 25 kilogramë kokainë të ndarë në 23 pako.
Sakaq italiani i arrestuar në makinën tjetër akuzohet për posedim dhe trafikim të lëndëve narkotike në bashkëpunim.