Një ngjarje e rëndë ka ndodhur gjatë ditës së sotshme në vendin e quajtur “Kryqëzimi i Triportit”.
Sipas burimeve policore mësohet se shetasi N. P., ka përplasur me makinë një 70 vjeçar i cili drejtonte një motor.
Si pasojë e ngjarjes i moshuari ka humbur jetën dhe akoma nuk është mundësuar identifikimi i tij.
Njoftimi i Policisë
Në vendin e quajtur “Kryqëzimi i Triportit”, automjeti me drejtues shtetasin N. P. është përplasur me një motomjet me drejtues një shtetas ende të paidentifikuar, rreth 70 vjeç, i cili si pasojë e dëmtimeve të marra, ka humbur jetën në spital.
Drejtuesi i automjetit, shtetasi N. P., është shoqëruar në komisariat, për veprimet procedurale.
Grupi hetimor po kryen veprimet për zbardhjen e plotë të rrethanave të aksidentit, si dhe për identifikimin e drejtuesit të motomjetit.