Një aksident i rënde ka ndodhur në Kretë, ku mbetën të plagosur dy persona, njëri prej të cilëve rezultoi identifikuar si shqiptar.
Sipas mediave greke, raportohet se një shofer në gjendje të alkoolizuar duke udhëtuar me shpejtësi të madhe, ka përplasur dy këmbësorët dhe më pas përfundoi në vitrinën e dyqanit.
“Drejtuesi i mjetit ka humbur kontrollin e makinës, është ngjitur në trotuar, ka përplasur dy këmbësorë dhe më pas ka përplasur dy makina të parkuara, e ka përfunduar duke thyer xhamin e dyqanit”, shkruajnë mediat fqinje.
Të plagosur mbeten një 37-vjeçar palestinez dhe shqiptari 58-vjeçar, të cilët u dërguan menjëherë në spital për të marrë ndihmën e nevojshme mjekësore.
Gjendja e të plagosurve, fatmirësisht është jashtë rrezikut për jetën, por njëri prej tyre ka patur lëndime më të rënda.