Një ngjarje shokuese ka ndodhur gjatë orëve të para të mëngjesit të sotëm në një azil të moshuarish.
Sipas burimeve policore mësohet se shtetasi Z. Sh., 78 vjeç ka goditur disa herë me bastun shokun e tij të dhomës.
Për shkak të dëmtimeve të rënda shtetasi V. V., 82 vjeç, ka ndërruar jetë.
Ndërsa 78 vjeçari u arrestua në flagrancë si dhe akuzohet për veprën penale “Vrasja me dashje”.
Njoftimi i Policisë
Specialistët e Sektorit për Hetimin e Krimeve të Rënda në DVP Tiranë në bashkëpunim me Komisariatin e Policisë Nr. 1, arrestuan në flagrancë shtetasin Z. Sh., 78 vjeç, banues në një azil privat për të moshuarit, për veprën penale “Vrasja me dashje”, parashikuar nga neni 76 i Kodit Penal.
Ky shtetas dyshohet se, sot më datë 08.08.2024, rreth orëve të para të mëngjesit, për motive të dobëta, ka goditur disa herë me anë të një bastuni (shkop hekuri), shokun e tij të dhomës, shtetasin V. V., 82 vjeç, i cili si pasojë e dëmtimeve të marra ka humbur jetën.
Materialet i kaluan Prokurorisë.