Një ngjarje e rëndë është shënuar ditën e sotme në fshatin Mekat të Vlorës, ku Policia ka ndërhyrë për të ndaluar dhunën ndaj një gruaje, e cila ishte duke u sulmuar fizikisht nga bashkëshorti dhe kunati i saj.
Në pranga kanë përfunduar dy vëllezër, shtetasit K. P., 47 vjeç dhe F. P., 51 vjeç. Të dy dyshohet se kanë ushtruar dhunë ndaj bashkëshortes së K. P., gjatë një konflikti në familje.
Gjatë ndërhyrjes së forcave të rendit dhe kontrollit në banesën e F. P., është gjetur dhe sekuestruar një armë gjahu e tipit teke, që mbahej pa leje nga ky i fundit.
Policia lokale konfirmon se ndërhyrja ishte e menjëhershme dhe parandaloi përshkallëzimin e mëtejshëm të dhunës. Materialet në ngarkim të të arrestuarve i janë referuar Prokurorisë së Vlorës për vijimin e hetimeve.
Radar.al