Një vajzë në moshën e adoleshencës humbi jetën pas sulmit nga një peshkaqen.
Policia konfirmoi se vajza kishte pësuar dëmtime të rrezikshme dhe kërcënuese për jetën. BBC shkruan se ajo ishte 17 vjeç. Ngjarja ka ndodhur në Queensland të Australisë.
Mjekët iu përgjigjën raporteve të një “incidenti serioz të kafshimit të peshkaqenit”, rreth orës 16:45 me orën lokale të hënën, por Policia konfirmoi se vajza ndërroi jetë pak pas orës 17:00.
Shërbimi i Ambulancës në Queensland konfirmoi se viktima ishte kafshuar në krahun rreth 100 metra larg bregut, raportojnë mediat australiane.
Policia konfirmoi se vajza kishte qenë duke notuar në ujërat e ishullit Bribie, pak larg kontinentit, në të cilin ndodhet plazhi Woorim, kur ajo u sulmua nga peshkaqeni, specia e të cilit nuk është identifikuar.
Ujërat përreth plazhit janë shtëpitë e shumë peshkaqenëve, por sulmi ndodhi afër bregut në pikën popullore të sërfit, e cila ka masa për t’u mbrojtur nga peshkaqenë.
Sulmet e peshkaqenëve në Queensland “ndodhin rrallë dhe shumica e specieve të peshkaqenëve nuk paraqesin rrezik për njerëzit”, sipas faqes së internetit të qeverisë shtetërore.
Burimi BBC– Radar.al