Një grua është gjendur pa shenja jete nga stafi i NHS (sistemi i kujdesit shëndetësor) i cili gabimisht mendoi se ajo po flinte.
E identifikuar si Shannara Donnelly, 22-vjeçe ajo duhej të ishte nën vëzhgim nga stafi ‘në çdo kohë’ në spitalin Chase Farm në Enfield, në veri të Londrës pasi pritej se do të lëndonte veten.
E njohur si Jade, u vëzhgua nga infermieret.
Juristët dëgjuan se stafi e pa atë të pareaguar në tokë për një orë, por, duke supozuar se ajo ishte duke fjetur, nuk pati reagim të menjëhershëm të tyre.
Gjendja e Jade kërkonte kujdes maksimal dhe vëzhgim të vazhdueshëm gjatë gjithë javes.
Megjithatë, pamjet treguan stafin që e vëzhgonte atë vetëm përmes dritareve të vrimave dhe kamerave.
Barnet, Enfield dhe Haringey Mental Health Trust pranuan se stafi mjekësor, që po përkujdesej për një person tjetër në institucion në atë kohë, kishte dështuar kontrollet dhe se Jade ishte monitoruar mjaftueshëm.
Drejtori i saj, Mark Pritchard pranoi ‘mangësitë’ në kujdesin e Jade. “Dëshiroj të shpreh ngushëllimet e mia të sinqerta”-i tha ai familjes së Jade.
Jane Basemera, infermierja e caktuar e Jade në ditën e vdekjes së saj, i tha gjykatës se pacientja do të kishte jetuar nëse do të ishte në vëzhgim maksimal.
Infermierja shtoi më tej se njësia kishte probleme me personelin dhe se Jade duhet të kishte pasur dy anëtarë të stafit që kujdeseshin për të.
Ajo pranoi se ishte në dijeni se pacientja ishte në dysheme, por jo se ajo ishte rrëzuar.
Hetimi dëgjoi se Jade u ripranua në Chase Farm kundër udhëzimeve në dokumentet e saj mjekësore, të cilat paralajmëronin për një incident të mëparshëm në spital.
Disa ditë para ripranimit të saj, ajo ishte arrestuar pasi kërcënoi se do të dëmtonte veten dhe u tha oficerëve të policisë se ‘dëshironte të vdiste’.
Stafi në turn në kohën e vdekjes së Jade u zbulua gjithashtu se nuk ishte në përputhje me trajnimin e tyre dhe se pompat e oksigjenit që mbaheshin në njësi, njëra ishte bosh dhe tjetra i mungonte një shtojcë thelbësore.
Gjykata dëgjoi gjithashtu se 22-vjeçarja ishte zemëruar nga refuzimi i mjekut për ta shkarkuar nga reparti.
Por nëna e Jade, Kerry tha se bisedat me vajzën e saj ditën që ajo vdiq nuk ishin në përputhje me dikë që do t’i merrte jetën.
Ajo tha se Jade ishte një vajzë ‘shumë e njohur’ në shkollë që ‘i pëlqente t’i bënte njerëzit të qeshin’. Zonja Donnelly tha: ‘Jade gjithmonë i pëlqente të bënte gjëra të ndryshme dhe çfarëdo që bënte, ajo në përgjithësi e vendoste zemrën dhe shpirtin e saj në të. Jade ishte një person shumë i veçantë dhe në një farë mënyre njerëzit thjesht tërhiqeshin nga ajo. Jade pëlqente të qeshte dhe akoma më shumë i pëlqente të bënte të tjerët të qeshin. Për Jade, e gjithë jeta ishte e rëndësishme dhe e veçantë. Jade e donte familjen dhe miqtë e saj dhe ndonjëherë bënte gjithçka për këdo, madje edhe në dëm të vetes.’
Por e reja kishte humbur së fundmi tre anëtarë të ngushtë të familjes.
Jade u diagnostikua me ADHD dhe u përball me bullizëm në shkollë, duke e detyruar nënën e saj që ta shkollonte në shtëpi, përpara se të ndiqte më vonë shkollat e Ëinchmore dhe Enfield County./ DailyMail