Një gjyshe 80-vjeçare, e cila mbylli derën e saj dhe i dha një goditje mbesës së saj me shapka, është dënuar me katër vjet burg. Asiye Kaytan, me prejardhje nga Denizli në Turqi, pati një debat të ashpër me mbesën Asiye Vural, 18 vjeç, kur u përpoq të dilte nga shtëpia për t’u bashkuar me miqtë e saj në një natë jashtë.
Situata u përshkallëzua shpejt kur Vural u përpoq të kalonte gjyshen e saj, e cila u përgjigj duke e goditur me shapka. Por si hakmarrje, Kaytan u godit në kokë me celularin e mbesës së saj. Ajo tregoi: “Ajo donte të dilte natën, por unë nuk u pajtova dhe mbylla derën.
E godita në dorë me shapka dhe ajo më goditi në kokë me telefonin e saj. Ajo u frikësua kur pa se po më dilte gjak dhe thirri një ambulancë”, rrëfeu gjyshja.
Megjithatë, pasi mjekët raportuan incidentin në gusht të vitit të kaluar si një akt të mundshëm dhune, policia e solli Vuralin për ta marrë në pyetje. Ajo u lirua pasi gjykata pranoi se ajo kishte vepruar në vetëmbrojtje.
Dhe më 25 shkurt, gjyqtarët në Gjykatën e 12-të Penale të Shkallës së Parë të Turqisë e shpallën Kaytan fajtore për heqje të lirisë dhe sulm me armë. Ajo u dënua me katër vjet e dy muaj burg, pavarësisht moshës së saj.
E shokuar Kaytan deklaroi: “Unë do të shkoj në burg në moshën 80 vjeç? Si do të jetoj atje? Jam invalide dhe mezi eci. Do të më futin në burg për një palë pantofla? Ishin pantofla, jo armë.”
Mbesa tha: “Nuk doja të ishte kështu. Nuk u ankova për të, por ka pasur një rast publik”. Kaytan është liruar me kusht ndërsa çështja e saj shkon deri në gjykatën e apelit.
Avokati i saj Hasan Ozan Orpak tha të premten: “Ka një vendim nga gjykata lokale tani. Shpresojmë se kjo do të ndryshojë ligjërisht në procesin e apelimit. Pantoflat nuk janë parë kurrë më parë si armë.”