Gjatë mbrëmjes së djeshme, një 32-vjeçar, pretendoi se u kërcënua me armë zjarri nga dy persona, të cilët nuk i ka identifikuar.
Në njoftimin e bërë nga Policia e Shtetit, ku nuk zbulohet identiteti i personit të kërcënuar, njoftohet se sapo ka marrë kallëzimin punonjësit mbërritën në vendngjarje.
Në zonën ku ndodh ngjarja, pranë pedonales, janë marrë kamerat e sigurisë, por për arsye hetimore nuk bëjmë me dije të dhëna.
Njoftimi i plotë:
Më datë 11.10.2024, në orën 09:30, shtetasi A. B., 32 vjeç, ka kallëzuar se mbrëmjen e djeshme, rreth orës 22:30, persona të paidentifikuar që qarkullonin me një motomjet, i kanë drejtuar një send, në dukje armë zjarri, afër një lokali në pedonalen e Shkodrës. Shërbimet e Policisë dhe grupi hetimor kanë shkuar në vendngjarje dhe kanë kryer veprimet e para hetimore. Nga veprimet paraprake të kryera dhe informacionet e marra në rrugë operative, paraprakisht dyshohet për dy shtetas, por për arsye hetimore nuk bëjmë me dije të dhëna. Grupi hetimor, në drejtimin e Prokurorisë, vijon punën për sqarimin e rrethanave, zbardhjen dhe dokumentimin ligjor të rastit.