TIRANË– Kryedemokrati Sali Berisha ka folur gjatë për jetën e tij në politikë në podkastin “Flet” me Ilnisa Agollin.
Berisha foli për, pendesat, faljet, për të ardhmen dhe për mëkatet, ku për këtë të fundit tha se ka shumë të tilla.
Kalojmë tek ‘mëkatet e Doktorit’…
Berisha: Të shumta, lëri mos i numëro. Mëkatarë dhe jo mëkatarë, vdekatarë dhe jo vdekatarë, është një debat i vjetër. Kështu që unë thashë të shumta, kur përmende mëkate.
Kush është pendesa juaj më e madhe?
Berisha: E kam peng ligjin e tokës. Sepse tek ligji i tokës, unë eca kundër ndërgjegjes sime. Pse eca kundër ndërgjegjes sime? Po të na kthesh në vitet ’90, Enver Hoxha në dy gjëra ka pasur sukses të padiskutueshëm. E para, në imponimin e ateizimit, edhe sot një pjesë e shoqërisë shqiptare është ateiste nga ajo kohë. Nuk jam dakord me këtë. Besoj se besimi tek Zoti është një pasuri e madhe për njeriun. Por secili ka të drejtë të bëjë zgjedhjen e tij. E dyta, tek prona. Personalisht nuk kisha kurrë ndonjë koncept tjerët përveç se prona e të zotit. Atij po të mos i jepje një copë tokë, nuk kishte se ku të jetonte. Dhe aty zbatuam parimin e Jeffersonit, parim që toka i jepet atij që e punon dhe jeton aty.
Berisha: Padiskutim. Nuk shkoj kurrë me hakmarrje. Nëse ndjek hakmarrjen, vetëm në politikë nuk duhet të jesh. Sepse hakmarrja shkon në gjëra personale dhe nëse shkon në gjëra personale në politikë, ti atëherë nuk u shërben dot qëllimeve të tua. Nuk i shërben dot atyre që duhet t’u shërbesh.
E djeshmja, e sotmja, e nesërmja…
Berisha: E nesërmja, magneti im!
Nëse nesër bëhet një libër apo një film për ju, çfarë titulli do t’i vendosnit? Çfarë emri do t’i vinit rrugëtimit tuaj?
Berisha: Cilindo titull që të donte autori. Liria e fjalës dhe e mendimit është ligji dhe zgjedhja. Në ’90, në një intervistë, jam shprehur: S’e them liri se është zgjedhja. Në fakt është koncepti i ekzistecializmit, unë lexoja me shumë dëshirë ekzistencialistët në atë kohë. Kështu që thelbi i lirisë është zgjedhja. Le të zgjedhin cilindo, janë të lirë./Radar.al
“Peshku i madh ha të voglin”/ Berisha flet për rininë: Enver Hoxha ndaloi me një dekret të gjitha…
Si u njoh me Lilin? Berisha zbulon anën e tij romantike: Ajo është violina e parë…