Një banesë në lagjen “1 Maji” të qytetit të Vlorës u përfshi nga flakët pasditen e sotme, si pasojë e një sobë të harruar ndezur nga e zonja e shtëpisë, një grua e moshuar.
Sipas zjarrfikësve, zjarri ka nisur në kuzhinë dhe është përhapur me shpejtësi në të gjithë ambientet e banesës, duke shkaktuar dëme të konsiderueshme materiale. Fatmirësisht, nuk raportohet për të lënduar, ndërsa e moshuara ka mundur të dalë në kohë nga banesa.
Forcat zjarrfikëse ndërhynë menjëherë dhe bënë të mundur neutralizimin e flakëve, por shtëpia është dëmtuar rëndë nga zjarri dhe tymi.
Autoritetet u bëjnë apel qytetarëve që të tregojnë kujdes me pajisjet ngrohëse dhe sobat, veçanërisht gjatë verës, kur temperaturat e larta mund të përshpejtojnë përhapjen e zjarrit.