Gazetari dhe moderatori i njohur Eno Popi e ka shumë të shenjtë jetën e tij familjare. Të pakta janë fotot në internet apo në rrjetet e tij sociale ku mund të gjesh familjen e tij, partneren dhe vajzën.
Së fundmi ai ka publikuar disa foto profesionale me të bijën, ku ka veçuar si detaj buzëqeshjen e saj.
“Her smile”, shkruan ai teksa duken shumë bukur baba e bijë në këto imazhe.
Çfarë dimë për jetën e Eno Popit?
Disa vite më parë në një intervistë në media ai ka rrëfyer sekretin e jetëgjatësisë së lidhjes së tij me Atenën. “Ajo më duron me gjithë keqkuptimet që sjell televizioni, me gjithë sanguinitetin tim”, -është shprehur ai.
Ndërsa së fundmi ai ka rrëfyer se prej vitit 2020 ai ka një jetë mes Kanadasë dhe Shqipërisë, pasi gruaja e tij jeton atje për shkak të karrierës.
“Ndodh kështu për gati 2 vite e pak sepse Atena dhe Livi jetojnë atje, (Kanada). Atena ka të njëjtin profil dhe formim si ty. Ajo vjen nga fusha e imazhit, dizajnit edhe ka ndërtuar një karrierë si graphic designer është dashur të ndjekë një shkollë profesionale shumë të mirë dhe aty ka gjetur një kontratë pune. Në periudhën që iu desh të bënte këtë lëvizje, Livi ishte shumë e vogël, 1 vjeç e pak, tani është 4. Ishte shumë e drejtë që të qëndronte me Atenën në atë moment, ishte një periudhë që unë kisha projekte në Top, e bëra vajtje ardhje paralelisht, më pas pandemia në mes, edhe distanca bëri të vetën. Unë kam qëndruar me time bijë në periudhën e këtij shkurti të këtij viti dhe vjeshtës. Kur të bëheni vetë do e kuptoni që juve asgjë nuk do t’ ju kishte hyrë në sy para tyre”, tha Eno.
Përgatiti Radar.al
