Reperi i njohur Fero ka folur hapur për ndarjen nga modelja Arbenita Ismajli, me të cilën ka një vajzë. Në intervistën me Arbana Osmanin, ai pranoi se ka bërë gabime në të kaluarën, duke iu referuar ofendimeve ndaj ish-bashkëshortes.
“Kam pas ndjenja shumë për të, por tani jo. Kam respekt, sepse është nëna e vajzës sime,” u shpreh Fero. “E kam dashur shumë dhe jam lënduar shumë. Divorci më ka prekur, por tani jam stabilizuar me jetën time.”
Artisti shtoi se shpreson që edhe Arbenita ta gjejë qetësinë e saj:
“Shpresoj që ajo të stabilizohet me jetën e vet dhe ta kuptojë që nuk është duke lënduar vetëm mua, por edhe vajzën tonë. Besoj se me kohë do ta kuptojë këtë dhe do ta lërë inatin anash, sepse unë kam vetëm fjalë të mira për të.”