Një ngjarje e rëndë dyshohet të ketë ndodhur pasditen e sotme në zonën pranë ish-sheshit “Shqiponja”, ku disa persona kanë ushtruar dhunë fizike dhe kanë marrë peng një të ri.
Burime nga policia bëjnë me dije se alarmi është dhënë pas një telefonate urgjente në sallën operative, ku u raportua se një i ri ishte dhunuar dhe futur me forcë në një automjet nga disa të rinj ende të paidentifikuar.
Menjëherë pas njoftimit, forcat e rendit janë vënë në ndjekje të mjetit të dyshuar dhe kanë rrethuar zonën për të bërë të mundur identifikimin dhe kapjen e autorëve.
Raportohet se ngjarja ka ndodhur në ambientet e një kompleksi pallatesh, dhe hetimet janë ende në fazën fillestare. Policia po verifikon kamerat e sigurisë për të zbardhur më shumë detaje rreth incidentit.