Këngëtarja e njohur shqiptare, Alida Hisku ka rrëfyer për herë të parë detaje nga jeta e saj, mbi divorcin pasi regjimi komunist e la në arrest shtëpiak.
Ajo tha se gjithçka nisi kur tri shoqe të saj i gjetën ditarin dhe e spiunuan.
“U zhduka nga aktivitetet, nga puna, nga çdo gjë, brenda 24 orëve. Kam qenë 24 vjeçe, mitroloz nuk kisha, kisha shkruar ëndrrat e mia, dëshirat e mia, sepse propaganda ime ishte të këndoja, u mbylla në shtëpi, nuk pësova asnjë lloj, sot e kësaj dite jam pa asnjë lloj. Më hante një padrejtësi në vetvete, shpresa, mendoja se në mos sot, nesër do dalësh prap”, tha ajo në emisionin S’e Luan Topi.
E pyetur nëse ishte dënimi që u bë shkak për ndarjen nga bashkëshorti, ajo tha “pak a shumë”.
“Këtë temë nuk e kam analizuar fare, kisha dy fëmijë u mora me ta, sepse duhet t’i vësh pllakën një diçkaje që të veprosh në një shkallë më të lartë të jetës, po të rrija të analizoj do arrija të harroja fëmijët, nisa punë në shtypshkronjë”.
Ai vendosi të ndahej për shkak të këtij dënimi, ju mbetët me dy djemtë dhe në fillim të ’90 ju merrni malet dhe ikni?
Hisku: (Pohon me kokë). Po ika me dy djemtë. Na eci shyqyr Zotit mbarë, djali i vogël qante se ishte dimër, por e kaluam. Na morën ato dy durrsakët na çuan deri në Hungari, treni natën deri në Gjermani. Të gjithë refugjatët do të vuajnë vitet e para.
