TIRANË– Është rihapur aktiviteti i platformës e-albania pas dy ditësh jashtë funksionit për shkak të disa ndryshimeve teknike që u kryen.
Kryeministri Edi Rama ka ndarë një video në rrjetet sociale ku shfaqen risitë e bëra në pltaformë, duke shkruar se tashmë e-Albania 2.0 është një hap i ri në transformimin digjital të shërbimeve publike në Shqipëri.
“E-Albania 2.0, një hap i ri në transformimin digjital të shërbimeve publike në Shqipëri. Platforma e re vjen e ridizenjuar mbi një infrastrukturë tërësisht të modernizuar, për të ofruar një eksperiencë më të shpejtë për qytetarët dhe bizneset. E ndërtuar me teknologji të avancuara dhe standarde moderne të performancës, e-Albania 2.0, platforma sjell një nivel të ri aksesueshmërie dhe gjithëpërfshirjeje, duke mundësuar përdorim më të lehtë edhe për personat me aftësi të kufizuara, në funksion të një shërbimi publik digjital pa barriera dhe të barabartë për të gjithë.”- shkrua Rama./Radar.al