ELBASAN– AMP në rajonin Elbasan–Korçë, ka ekzekutuar vendimet e gjykatës për 6 efektive në kuadër të operacionit të koduar “Last Bet”.
Gjykata ka caktuar masa sigurie ndaj 6 punonjësve të Policisë së Shtetit, mes tyre edhe një efektiv i njësisë speciale RENEA, si dhe ndaj 1 shtetasi civil, të dyshuar për përfshirje në organizimin dhe favorizimin e lojërave të fatit të paligjshme.
Masa e sigurimit “Arrest në shtëpi” është caktuar për Nënkomisar R.T., specialist për krimet, Stacioni i Policisë Manëz (Durrës), Inspektor E.K., ndihmës specialist/kontrollor, Policia Kufitare Morinë (DVKM Kukës) dhe shtetasin I.T., banues në Tiranë.
Ndërsa ndalim për të dalë jashtë shtetit dhe detyrim paraqitjeje u caktua për komisar D.S., shef i Seksionit për Hetimin e Krimeve në Volum, Komisariati i Policisë Devoll, nënkomisar A.M., përgjegjës turni, Policia Kufitare Morinë, inspektor G.B., ndihmës specialist/kontrollor, Policia Kufitare Morinë dhe inspektor E.D., trupë shërbimi operacional pranë Seksionit Special të Ndërhyrjes Taktike, RENEA.
Ata akuzohen për organizim ose ushtrim i veprimtarisë së lojërave të fatit në kundërshtim me ligjin dhe Shpërdorim detyre. Persona iu sekuestruan 7 telefona celularë, të cilët dyshohet të jenë përdorur për kryerjen e aktivitetit kriminal.
NJOFTIMI I POLICISË:
Gjykata ka caktuar masa sigurie ndaj 6 punonjësve të Policisë së Shtetit, mes tyre edhe një efektiv i njësisë speciale RENEA, si dhe ndaj 1 shtetasi civil, të dyshuar për përfshirje në organizimin dhe favorizimin e lojërave të fatit të paligjshme.
📍AMP ekzekuton masat e sigurisë ndaj 6️⃣ punonjësve të policisë dhe 1️⃣ shtetasi
Në kuadër të operacionit “Last Bet” zhvilluar nga Agjencia e Mbikëqyrjes Policore (Rajoni Elbasan – Korçë), nën drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Elbasan, u ekzekutua vendimi penal i Gjykatës së Shkallës së Parë të Juridiksionit të Përgjithshëm Elbasan, e cila ka caktuar:
Masën e sigurimit personal me karakter shtrëngues “Arrest në shtëpi” parashikuar nga neni 237 i Kodit të Pr. Penale, ndaj;
▶️ Nënkomisar R.T., me detyrë Specialist për krimet, pranë Stacionit të Policisë Manëz, në Komisariatin e Policisë Durrës.
▶️ Inspektor E.K., me detyrë Ndihmës Specialist / Kontrollor pranë Stacionit të Policisë Kufitare Morinë, në Drejtorinë Vendore të Kufirit dhe Migracionit Kukës.
▶️ Shtetasi I.T., banues në Tiranë
Masat e sigurimit personal me karakter ndalues “Ndalim i daljes jashtë shtetit” dhe “Detyrim për t’u paraqitur në policinë gjyqësore”, parashikuar nga neni 233 dhe 234 i Kodit të Pr. Penale, ndaj;
▶️ Komisar D.S., me detyrë Shef i Seksionit për hetimin e krimeve në volum në Komisariatin e Policisë Devoll.
▶️ Nënkomisar A.M., me detyrë Përgjegjës turni pranë Stacionit të Policisë Kufitare Morinë, në Drejtorinë Vendore të Kufirit dhe Migracionit Kukës.
▶️ Inspektor G.B., me detyrë Ndihmës Specialist / Kontrollor pranë Stacionit të Policisë Kufitare Morinë, në Drejtorinë Vendore të Kufirit dhe Migracionit Kukës.
▶️ Inspektor E.D., me detyrë Trupë shërbimi operacional pranë Seksionit Special të Ndërhyrjes Taktike, në njësinë speciale “Renea”.
Caktimi i masave të sigurisë u bë i mundur në kuadër të procedimit penal të vitit 2025, ku nga veprimet e thelluara hetimore, rezultoi se shtetasit e mësipërm duke shfrytëzuar atributet e funksionit, në bashkëpunim me njëri-tjetrin, kanë organizuar dhe favorizuar ushtrimin e llotarive të palejuara / basteve sportive, duke konsumuar elementët e veprave penale “Organizimi ose ushtrimi i veprimtarisë së lojërave të fatit në kundërshtim me ligjin” dhe “Shpërdorim i detyrës”, parashikuar nga neni 197/25 dhe 248 i Kodit Penal. Në funksion të veprimeve proceduriale u sekuestruan 7 telefona celularë, të cilët dyshohet të jenë përdorur për kryerjen e aktivitetit kriminal./Radar.al