VELIPOJË– Dy turistë italianë teksa kanë qenë duke bërë manora në plazhin e Velipojës, janë përplasur me Jet-Ski-të.
Mësohet që ngjarja të ketë ndodhur mesditën e sotme dhe përplasja mes dy mjeteve të ujit ka ndodhur 1 milje jashtë perimetrit të sigurisë si pasojë e manovrave të gabuara.
Ndërkohë nga goditjet e forta, ka përfunduar në spital njëri prej turistëve, 19-vjeçari me iniciale, N.L,.
Velipojë/Informacion paraprak
Në plazhin e Velipojës, në thellësi të detit rreth 1 milje jashtë përimetrit të sigurisë, dyshohet se si pasojë e manovrave të gabuara, janë përplasur dy mjete lundruese Jet Ski, të drejtuara nga dy shtetasit italian N. L., 19 vjeç, dhe S. D., 20 vjeç.
Si pasojë e përplasjes, ka ngelur i dëmtuar njëri prej dy drejtuesve, shtetasi N. L, i cili ndodhet për ndihmë mjekësore në spitalin rajonal të Shkodrës.
Të dy mjetet lundruese Jet Ski u bllokuan nga shërbimet e Policisë Kufitare.
Grupi hetimor, nën drejtimin e Prokurorisë, vijon punën për sqarimin e plotë të rrethanave të rastit.