Dy të rinj shqiptarë, 21 dhe 25 vjeç, janë arrestuar në flagrancë nga karabinierët në Itali, pasi u kapën duke shpërndarë lëndë narkotike.
21-vjeçari, pa precedent penalë, u ndalua nga patrulla teksa lëvizte me biçikletë. Gjatë kontrollit fizik, efektivët i gjetën pesë pako me kokainë, me peshë totale rreth 4.5 gramë. Hetimet çuan më pas në identifikimin dhe arrestimin e bashkëpunëtorit të tij, 25-vjeçar, me precedent penal, në banesën e të cilit u zbuluan plot 908 doza narkotike, 555 euro cash, katër peshore elektronike dhe disa telefona celularë.
Të arrestuarit u dërguan në burgun e Spoletos dhe ndodhen në pritje të seancës për vlerësimin e masës së sigurisë.