Mjeku Ilir Alimehmeti shprehet se nuk ka vend për panik lidhur me sëmundjet e Lisë së Majmunit dhe Ethet e Nilit.
Sipas tij, këto sëmundje kanë qenë thuajse gjithmonë të pranishme në Ballkan, Europë e në vendin tone.
Lidhur me fatalitetet, mjeku thotë se duhet të kenë kujdes personat të cilët kanë sëmundje shoqëruese.
Sipas Alimehmetit, shkak i dyshuar i përhapjes së këtyre viruseve është ngrohja globale.
”Që në fillim ta themi që janë viruse në qarkullim tejet të ulët sa i përket Evropës, ne i njohim shumë mirë dhe nuk ka asgjë të panjohur.
Në Shqipëri për 10-12 vjet nuk janë raportuar rastet që janë konstatuar me Ethet e Nilit, por nuk ka vend për panik sepse kjo transmetohet nga mushkonjat që pickojnë fillimisht zogj të kontaminuar e më pas njerëz.
Prej 1937 kjo ka qenë endemike në Afrikë, ndërsa që prej 1999 ka pasur raste të vazhdueshme në Europë dhe në 2023 Italia, Greqia dhe Serbia kanë raportuar raste.
Ngrohja globale dyshohet që është shkak, por nuk ka asgjë për tu shqetësuar pasi kjo sëmundje nuk transmetohet.
Pra nuk ka asgjë për tu shqetësuar sepse shifrat janë të ulëta, por gjithçka ka qenë edhe më parë, pra ka pasur raste por thjesht nuk janë raportuar njësoj si tani.Sa i përket shenjave, ato janë të lehta dhe të përballueshëm”, thotë Alimehmeti në rubrikën “Opinion” në News24.