Dua Lipa ka ndarë rrugët me menaxherin e saj, David Levy, pas një mosmarrëveshjeje mbi performancën e grupit pro-palestinez Kneecap në festivalin Glastonbury.
Levy kishte dërguar një letër themeluesit të festivalit, Michael Eavis, duke kërkuar që reperët nga Belfasti të ndaleshin për shkak të akuzave për nxitje antisemitizmi dhe mbështetje të Hezbollah. Letra u bë publike, duke nxjerrë në pah fushatën e tij kundër grupit.
Burime pranë Dua Lipës i thanë The Mail on Sunday se këngëtarja, e cila ka mbështetur publikisht Palestinën, vendosi të ndërpresë bashkëpunimin me Levy për shkak të qëndrimeve të tij që nuk përputheshin me bindjet e saj.
Pavarësisht përpjekjeve të menaxherit, Kneecap performoi në Glastonbury pa ndërhyrje nga policia, edhe pse një anëtar i grupit, Liam Og O hAnnaidh (i njohur si Mo Chara), ishte në lirim me kusht për akuza të lidhura me terrorizmin. Grupi ka marrë kritika edhe për mbështetje ndaj Hezbollahu dhe Hamas gjatë një shfaqjeje në Coachella.
Dua, 30 vjeç, e lindur në Kosovë dhe e fejuar me aktorin Callum Turner, ka qenë gjithmonë mbështetëse e kauzës palestineze, duke dënuar dhunën në Gaza, por edhe duke shprehur keqardhje për çdo jetë të humbur izraelite.
Përveç Dua Lipës, grupi Massive Attack gjithashtu ndërpreu bashkëpunimin me Levy për shkak të qëndrimeve të tij. Dua vazhdon të përfaqësohet tani nga agjenti William Morris Endeavor.