Prokuroria e Posaçme kundër Korrupsionit dhe Krimit të Organizuar (SPAK), në bashkëpunim me autoritetet finlandeze, ka goditur një rrjet ndërkombëtar të trafikut të drogës të drejtuar nga shtetas shqiptarë. Gjatë një hetimi 18-mujor me përdorimin e metodave speciale të përgjimit dhe mbikëqyrjes, janë zbuluar 4 grupe të strukturuara kriminale që trafikonin drogë nga Holanda dhe Spanja drejt Finlandës.
Sipas SPAK, grupet e drejtuara nga shqiptarë bashkëpunonin ngushtë me shtetas finlandezë, europianë dhe aziatikë për shpërndarjen e kokainës, kanabisit, ekstazit dhe amfetaminës në qytete të ndryshme të Finlandës, përfshirë Helsinkin.
Në kuadër të këtij operacioni janë dokumentuar:
Trafikimi i mbi 400 kg amfetaminë
Më shumë se 500 kg kanabis
Sasi të mëdha kokaine dhe ekstazi
Gjykata e Posaçme ka caktuar masën “arrest me burg” për 11 persona. Më 3 qershor 2025, u arrestuan 9 prej tyre:
Besnik Sparta (27.01.1985)
Erind Teneqexhiu alias Erind Agalliu (07.02.1991)
Altin Musta (07.06.1981)
Kela Qevani (14.04.1981)
Geraldo Seferaj (05.07.1994)
Elton Myftari (29.05.1983)
Ledion Hoxha (09.01.1983)
Elton Tavani
Dorian Luzaj (07.06.1983)
Dy të tjerë janë shpallur në kërkim.
Gjatë operacionit janë sekuestruar:
8 automjete
13 telefona celularë
Dokumente dhe prova shkresore
Operacioni është mbështetur nga autoritetet finlandeze, përfshirë policinë e Helsinkit dhe Turkut, si dhe nga Zyra e Oficerit Ndërlidhës për Vendet Nordike në Shqipëri dhe Kosovë. Hetimet vijojnë për identifikimin e bashkëpunëtorëve të tjerë dhe rrjeteve mbështetëse.