Detaje të reja kanë ndalë në pah në lidhje me dosjen ‘Ura’, një operacion antidrogë i zhvilluar së fundmi.
Në një episod, ku protagonist është Ervis Doçi, i njohur ndryshe dhe si Visi i Pojës, ai trafikoi 8 kg kokainë nga Gjermania për në Itali, pas porosisë që i bëri Adi Çoba.
Referuar disa bisedave të kryera në SKY ECC, Çoba vërehet teksa dakordësohet me çmimin që ka vendosur Doçi. Ndërsa pohon më tej se malli që do t’i dërgohet është i cilësisë së parë.
Nëpërmjet një regjistrimi, pritësi italian, i identifikuar si Angelo Zanzarelli, mësohet se përgëzon furnitorët për mallin: “Ohoho, nëna ime, çfarë copash, si tha shoku, ahaha, si akull, ahaha…”.
Sipas SPAK, sasia e drogës përfundoi në Itali nga Gjermania në gusht të vitit 2020. Në biseda përfshihen drejtpërdrejt të akuzuarit në trafikun ndërkombëtar të lëndëve narkotike.
Adi Çoba ishte ai që njoftonte Angelo Zanzarellin se do të mund t’i furnizonte një sasi kokainë të cilësisë së shkëlqyer, duke ia shoqëruar mallin me fotografi përpara se ta niste. (bllok kokaine me fjalën ‘ERKING’ të stampuara në të).
Adi Çoba: Të jap dhe lajmin për të bardhën fra…sepse ndoshta e gjeta…po vëlla shumë e mirë duket.
