Drejtoria e Antikontrabandës, në bashkëpunim me degën doganore Tiranë dhe Drejtorinë e Markave dhe Patentave, ka bllokuar mbi 3,130 pajisje elektronike të llojeve dhe markave të ndryshme, pasi dyshohet për falsifikim dhe tregëtim pa autorizimet përkatëse.
Autoritetet doganore po vijojnë me të gjitha procedurat ligjore për verifikimin dhe hetimin e rastit, si pjesë e angazhimit të vazhdueshëm kundër hyrjes dhe tregëtimit të produkteve të falsifikuara në vend.
Drejtoria e Përgjithshme e Doganave thekson se do të veprojë me tolerancë zero ndaj çdo subjekti që shkel Kodin Doganor dhe se strukturat e saj janë të mobilizuara për të parandaluar çdo tentativë abuzimi apo shkelje ligjore.