Fedez ka thyer heshtjen dhe i është përgjigjur ish-bashkëshortes së tij, Chiara Ferragni-t, në Instagram për të vënë “disa pika” pas zbulimeve të Fabrizio Corona-s për lidhjen e tij jashtëmartesore, të cilat edhe Chiara, edhe Fedez i konfirmuan.
“Ideja që mendova të lija gruan time ditën e dasmës për të ikur në anën tjetër të Italisë është thjesht qesharake”, ka shkruar reperi pak minuta më parë në Instagram. “Zgjodha Chiara-n me bindje, e doja, u martova pa hezitim dhe ndërtuam një familje së bashku. Pavarësisht mosmarrëveshjeve, ajo do të mbetet gjithmonë e rëndësishme për mua, sepse është nëna e fëmijëve të mi”.
Ndërsa për të dashurën e tij, Angelica Montini, reperi shkruan:
“E takova Angelica-n disa muaj para dasmës, u ndamë për t’u fokusuar në jetën tonë. U rilidha në një moment vështirësie personale, pa ndonjë plan të paramenduar, kur martesa tashmë ishte përballur me kriza të thella, të cilat nuk mund t’i zgjidhnim as pasi provuam. Kur Angelica vendosi t’i jepte fund lidhjes sonë, midis shumë gabimeve që bëra, ndava mendimet me Fabrizio-n dhe një mikeshë të tyre të përbashkët. Një gjë e vogël në një moment dobësie dhe brishtësie, për të cilën po paguaj pasojat, por hedh poshtë çdo teori konspiracioni apo manipulim.
Unë u përpoqa ta përmbaja këtë lajm në çdo mënyrë të mundshme, siç mund ta tregoj lehtësisht. Lajme që më dëmtojnë edhe mua, do të theksoja. Unë nuk kam qenë kurrë shenjtor, por jeta jonë private nuk mund të bëhet pretekst për të ndërtuar rrëfime apo për të larguar vëmendjen nga gjëra të tjera. E gjithë kjo nuk po i bën mirë askujt, as Chiara-s, as mua, as njerëzve të tjerë të përfshirë”.
Së fundi, reperi, i cili së shpejti do të konkurrojë në Sanremo, shprehet se dëshiron të ndryshojë faqe:
“Sot po i vendos pikën. Kam bërë një gabim, kam paguar, do të vazhdoj të paguaj, ndoshta kam mësuar pak. Unë po largohem nga një mënyrë prezantimi që nuk më takon më (dhe ndoshta asnjëherë). E di si funksionon kjo lojë: kam vite që jam pjesë e saj, tani mendoj për veten dhe fëmijët e mi. Të tjerat ua lë atyre që kanë nevojë për këtë lloj shfaqjeje. Për aq sa është e mundur, dua të zgjedh realitetin”.
