Një ngjarje e papritur mësohet të ketë ndodhur gjatë natës në kryeqytet ku u dhënua një polic burgu.
Burimet bëjnë me dije se Arbër Labi u dhunua gjatë natës nga 3 persona me shkopa bejsbolli në Yzberisht e për rrjedhojë është nisur drejt Traumës.
Përgjatë dëshmisë së tij polici u shpreh se mund ta kenë dhunuar për shkak të detyrës.
Shkaqet e ngjarjes mbeten të pazbuluara por bëhet me dije se autorët i morën policit armën e shërbimit.
Njoftimi i Policisë
Më datë 28.09.2024, rreth orës 05:00, në rrugën “Tre Dëshmorët”, Yzberisht, shtetasi A. L., 36 vjeç, banues në Yzberisht, (punonjës pranë burgut 313) sapo ka dalë nga banesa është goditur dyshohet me sende të forta nga tre persona ende të paidentifikuar, të cilët i kanë marrë armën e shërbimit dhe më pas janë larguar.
Aktualisht 36-vjeçari ndodhet në spital në kujdesin e mjekëve, jashtë rrezikut për jetën.
Grupi hetimor po punon për kapjen e autorëve të dyshuar dhe sqarimin e rrethanave të ngjarjes.