Një incident i rëndë është regjistruar së fundmi në Kavajë, ku Sekretari i Përgjithshëm i Bashkisë, Arti Çiçolli, është dhunuar fizikisht nga dy persona.
Sipas burimeve për “ZËRI-n”, në ngjarje janë përfshirë E. S., 43 vjeç, dhe T. S., 46 vjeç, të dy banues në Kavajë. Njëri prej tyre është vëllai i drejtoreshës së pronave në Bashkinë e Kavajës, ndërsa tjetri, nip i ish-kryebashkiakut Isa Sakja.
Ngjarja ka ndodhur në ambientet e një subjekti privat, ku Çiçolli, 52 vjeç, pretendon se është sulmuar me grushte dhe me shkelma për shkak të detyrës që ushtron në institucionin lokal. Ai është paraqitur në komisariat dhe ka bërë kallëzim ndaj dy të dyshuarve.
Policia ka konfirmuar denoncimin dhe po vijon hetimet për zbardhjen e plotë të rrethanave./ZËRI