Detaje të reja kanë dalë në pah në lidhje me ish-kreun e bandës së Durrësit, Lulzim Berishën.
Pas ekstradimit të kryer mbrëmjen e djeshme nga Spanja në drejtim të Shqipërisë mësohet që Prokuroria e Posaçme t’i dërgojë Gjykatës Antikorrupsion kërkesën për rivlerësimin e masës së sigurisë, “arrest në burg”.
Më tej thuhet se ndaj tij masa u caktua në lidhje me vrasjen e biznesmenit Klodian Saliu, pas rrëfimeve të të penduarit të drejtësisë, Luftar Reçi.
Lulzim Berishës, tashmë, do t’i duhet të përballet me akuzën e vrasjes si grup i strukturuar kriminal ndaj armikut të tij të mëparshëm, Klodian Saliu.
Kujtojmë se kjo ngjarje ka ndodhur në 2005, në autostradën Tiranë – Durrës.
Për rrjedhojë shteti shqiptar e shpalli atë në kërkim në vitin 2020, ndërsa për mungesë provash u rrëzuan akuzat për vrasjen e biznesmenit tjetër, Vajdin Lame.
Dosja tjetër për të cilën drejtësia e ka kërkuar Lul Berishën lidhet me shlyerjen e një dënimi, të cilin ai e uli nga të përjetshëm në 25 vjet.
Nga ana tjetër Gjykata e Apelit të Durrësit i fali atij 5 vjet, gjë që i dha atij lirinë në 2014.
LEXO EDHE: