Milani po punon intensivisht për të transferuar dy sulmues qendrorë para mbylljes së afatit kalimtar të verës, duke pasur si prioritet 20-vjeçarin danez Conrad Harder. Sipas raportimeve, klubi ka dërguar tashmë një ofertë për lojtarin e Sporting Lisbonës, ndërsa agjenti i tij kërkon një vendim përfundimtar, pasi Harder e ka vendosur Milani si destinacion të preferuar.
Nga ana tjetër, Milani ka vendosur të mos vazhdojë me transferimin e Victor Boniface, pasi kontrollet mjekësore nuk dolën bindëse. “Rossonerët” kishin arritur marrëveshje të plotë me Bayer Leverkusen dhe vetë lojtarin, por tani pritet një komunikatë zyrtare për të sqaruar situatën.
Gjithashtu, Milani po shqyrton mundësinë e nënshkrimit të sulmuesit Tolu Arokodare nga Genk si një alternativë për ofensivën kuqezi, ndërsa mesfusha mund të forcohet edhe me Adrien Rabiot.