VELIPOJË- Një 26 vjeçar, banues në Dibër me inicialet Z. Z., u arrestua disa orë pas krimit të ndodhur në një hotel në Velipojë ku mbetën të vrarë Ersild Ishmi dhe Arsid Hoxha.
Sipas policisë, disa orë pas ngjarjes, “shtetasi Z. Z., rreth orës 23:20, është paraqitur për të marrë mjekim, në spitalin rajonal të Lezhës, i dëmtuar lehtë në këmbë, me armë zjarri. Ai dyshohet se është plagosur gjatë të shtënave me armë zjarri’.
Sakaq, Shqiptarja.com zbardh dëshminë e të riut, i cili rezulton të jetë kamarier në hotelin ku ndodhi krimi në plazhin e Velipojës.
“Fillimisht persanat janë konfliktuar me sende të forta dhe më pas dy vëllezërit Frroku kanë marrë armën e kanë qëlluar në drejtim të Ersild Ishmit dhe Arsid Hoxhës”.
Ai ka pohuar se ka pasur konflikt në datën 28 qershor ku ka qenë i përfshirë Ersild Ishmi. Ky i fundit kanosi me armë kuzhinierin e hotelit’ ka thënë Zyber Zagrad, 26 vjeç banues në Dibër.