Koçi Selmanaj po vuan dënimin me burgim të përjetshëm në një burg të Britanisë së Madhe, mesa duket dënimi i tij do rëndohet. Kjo pasi shqiptari i dënuar për vrasjen e mësueses Sabrina Nessa sulmoi me një copë porcelani një nga gardianët e burgut.
Sipas mediave britanike, copën e qeramikës e kishte siguruar nga tualeti që kishte thyer në qelinë e tij.
Sulmi ka ndodhur më 8 maj të këtij viti kur punonjësi i burgut shkoi për ta pyetur nëse donte drekë.
“Ai lëshoi një ulërimë dhe sulmoi oficerët që ishin tani te dera,”-tregoi prokurori Peter Sabiston në gjyq.
Si pasojë e sulmit, një oficer pësoi një plagë në gju dhe dy në parakrah nga goditja e copën e porcelanit, ndërsa një tjetër u godit me grusht në fytyrë.
Oficeri i goditur me porcelan tha në një deklaratë se nuk ishte sulmuar kurrë më parë përgjatë 10 viteve që punonte në burg.
“Nuk kam frikë të kthehem në punë edhe pse besoj se Selamaj ka një problem me mua dhe shpresoj se nuk do të më duhet ta shoh më. Familja ime ka qenë vërtet e shqetësuar që nga incidenti, por unë prisja që të më sulmonin shumë më keq. Ai është në burg për vrasje, kështu që unë e di se çfarë është i aftë të bëjë,“-tha gardiani.
Kështu, në fund u vendos që dënimit përjetë të Selmanit t’i shtoheshin edhe 4 vite e gjysmë.
Shqiptari Koçi Selmanaj është dënuar me burgim të përjetshëm për vrasjen e mësuese së shkollës fillore në Britani. 36-vjeçari Selmanaj do të kryejë të paktën 36 vite burg dhe vetëm pas kësaj ka t’i kërkojë gjykatës rishikim vendimi. Ngjarja ndodhi më 27 shtator 2021, ku Selmanaj ka goditur në mënyrë barbare mësuesen Sabina Nessa me një send metalik 34 herë në kokë. Koçi Selamaj është me origjinë nga Elbasani. Ai punonte në Angli si shpërndarës picash, ndërsa u arrestua gjatë një bastisjeje që autoritetet britanik bënë në shtëpinë e tij.
Sabina Nessa është gjetur e vdekur në Crator Park, vetëm pak metra larg shtëpisë së saj më datë 17 shtator.