Jemi në prag të festave të Nëntorit dhe të fundvitit, por Mërkuri i cili kthehet në pozicionin pezull duket se do i vështirësojë gjërat për shenjat e zodiakut, e veçanërisht për katër prej tyre. Në parashikimin e javës, në studion e “Rudina”, astrologia Meri Shehu tregoi nuancat e kësaj jave për secilën shenjë.
Sipas Meri Shehut, Mërkuri do të jetë në të kundërt deri në datën 15 Dhjetor, prandaj shenjat duhet të tregohen shumë të kujdesshme në veprimet e tyre. Astrologia shprehet se të 12-ta shenjat do të jenë në ndikimin e ndryshimeve që sjell Mërkuri, ku më të ndikuarat do të jenë Binjakët, Shigjetarët, Virgjëreshat dhe Peshqit. Por, me sa duket Mërkuri ka mbajtur me “hatër” vetëm dy prej shenjave të zodiakut, të cilave Meri Shehu u ka dhënë 4 yje.
“Kjo është java më e rëndësishme sepse jemi tani në prag festash dhe fundviti, por nga sot Mërkuri kthehet në pozicionin pezull, sepse në datën 27 kthehet i kundërt, ju e dini që është në shenjën e Shigjetarit dhe do të prekë kryesisht udhëtimet, planet, komunikimet, kontratat, marrëveshjet, bisedat apo marrëdhëniet midis nesh. Deri në datën 15 Dhjetor do ta kemi Mërkurin e kundërt, por qëndrimi i tij pezull tregon që disa gjëra pengohen ose nuk marrin drejtimin që duan. Ndikim më të madh do të kenë Binjakët, Shigjetarët, Virgjëreshat dhe Peshqit, por detyrimisht prekemi të gjithë sepse të gjithë e kemi diku këtë diagonalen Shigjetar-Binjak dhe kjo është shumë e rëndësishme këtë periudhë sepse prek çështjet ligjore, marrëdhëniet me të afërmit, bisedat dhe të paktën deri në datën 15 Dhjetor duhet të jemi të kujdesshëm në lëvizje, marrëveshje, kontrata, por mund edhe që të rregullojmë gjëra. Në datën 27 përveçse kthehet Mërkuri i kundër, Dielli në Shigjetar tashmë bën një lidhje shumë të bukur me Marsin në Luan kështu që këto shenjat e zjarrit do të marrin në fundjavë një energji pozitive”, tha astrologia.