Një tjetër histori dashurie po merr formë brenda shtëpisë së Big Brother VIP Albania, ku Brikena dhe Mateo janë bërë çifti i dytë që kurorëzojnë lidhjen e tyre me një dasmë simbolike.
Vetëm një ditë pas propozimit romantik, çifti po zhvillon ceremoninë brenda shtëpisë, duke ndjekur shembullin e Selin dhe Gimbos. Atmosfera festive është shoqëruar me praninë e disa ish-banorëve, mes tyre edhe Kristi, i cili ka marrë rolin për të kurorëzuar dashurinë e tyre dhe ka mbajtur edhe fjalimin e ceremonisë.
Në këtë moment të veçantë nuk mungojnë as opinionistët e spektaklit, Arbër Hajdari dhe Monika Kryemadhi, të cilët janë në rolin e dëshmitarëve të dasmës.
E gjithë kjo erdhi pas një surprize nga “Vëllai i Madh”, i cili përmes një Zarfi të Bardhë i dha çiftit mundësinë që ta çojnë lidhjen e tyre në një tjetër nivel brenda shtëpisë. Një mbrëmje më parë, gjatë një darke romantike, Brikena i tha “PO” Mateos, duke hapur rrugën për këtë dasmë të pazakontë që po tërheq vëmendjen e publikut.