TIRANË– Banori i Big Brother VIP ka rrëfyer historinë e jetës së tij, me të gjitha vuajtjet që nga fëmijëria, teksa zbuloi se ndaj tij kanë abuzuar seksualisht në moshën 10-vjeçare deri tek njohja me partnerin e tij.
Gjithashtu ai ka treguar se familja e ka mbështetur, ky fakt u vërtetua edhe nga letra që nëna e tij i kishte sjellë në program.
“Tek prindërit kam gjetur gjithmonë paqe”, u shpreh ai.
“Isha 10 vjeç, po qëndroja në lagje dhe më dhembte barku. Më vodhën fëmijërinë. Një komshi më tha hajde me mua se do të të ndihmoj, me futi në një dhomë gjumi dhe më tha prit dy minuta, më tha ky është ilaçi, iu luta që të mos e bënte. Nuk e kam kuptuar deri në moshën adoleshente se ishte abuzim seksual.”- tha Bernardi.
Sa i takon partnerit të tij, Bernardi ka treguar se është i fejuar me të, ndërsa në foto shihet edhe momenti kur i ka propozuar.
