Dhjetëra milionë telefona celularë në Mbretërinë e Bashkuar morën një mesazh gjatë testit të dytë mbarëkombëtar të sistemit të alarmit publik të qeverisë. Testi u zhvillua të dielën rreth orës 15:00 për pajisjet e lidhura me rrjetet 4G dhe 5G.
Mesazhi paralajmëronte se sistemi do të përdoret në të ardhmen për emergjenca që kërcënojnë jetën, si mot ekstrem, përmbytje dhe zjarre. Qeveria paralajmëroi se disa përdorues mund të mos e marrin alarmin për arsye teknike, si pajisje pa sinjal, në modalitetin aeroplan, ose me cilësimet e alarmit të çaktivizuara.
Ky sistem u testua për herë të parë në prill 2023 dhe ka lëshuar paralajmërime të vërteta pesë herë, përfshirë gjatë stuhisë Eoëyn në Skoci dhe Irlandën e Veriut dhe për një bombë të Luftës së Dytë Botërore në Plymouth.
Qeveria thekson se testi, megjithëse i shkurtër, ndihmon në ruajtjen e sigurisë së qytetarëve dhe paralajmëron: në rast alarmi të ardhshëm, qëndroni të qetë dhe ndiqni këshillat e sistemit.
Radar.al